MECHLINIA

MECHLINIA

Gallis Malines, pulchra ac nitida civitas, quasi cor et centrum Brabantiae obtinere dicitur. Bruxellâ, Lovaniô, et Antverpiâ quatuor milliaribus distat, situ et opere munita, incredibili aeris puritate gaudet. Habet aedes sacras quamplurimas, sed duas, quae longe ceteris antecellunt, Deiparae unam, et alteram D. Rumoldi ornatissimam, cum turri, quae et magnifica est, et altitudine spectabilis. Optimus est huius Rei publ. status, nam in eâ Princeps suum imperium, Optimates auctoritatem, populus suam vim, auctoritatemque retinet. Est hîc etiam armamentarium regium incredibilîmachinarum, tormentorum, armorum, et rerum ad bellum necessariarum copiâ instructum. Varia quoque opificum hic inveniuntur examina, a quibus aenea conficuntur tormenta, campanae, naves, panni, artificiosae picturae, et id genus alia, quae in varias orbis partes, maxime in Hispaniam, transprotantur. Iuxta S. Catharinae portam, qua Antverpiam itur, amplum monasterium est, muris instar oppidi cinctum, in quo aliquoties supra mille quadraginta sunt moniales. A. C. 1546. ex pulvere tormentario a sulgure incenso, multum labefactata Mechliniâ fuit, nunc vero restaurata, solitâ pulchritudine, et munditie claret. Lloydius. Ob quem splendorem et magnificentiam iactatum in Proverb. Mechlinia publchra, Antverpia dives, Bruxella nobilis: Lovanium sapiens, Gandavum amplum, Brugae veteres. Situ egregiô urbs, a fluvio Dyla interluitur, quô maris aestu augescente merces undique in urbem commode subvehuntur, quae commerciis proin prae multis aliis floret. In suburbio S. Alexii monasterium set Virginum ad 1600. e quo his exeundi, ambulandi, alios visendi, visentesque excipiendi, nubendi tandem libertas est. Fuit olim sub dominis peculiaribus, usque ad A. C. 1336. quô libera facta est. Postmodum ad Burgundos, hinc Austriacos pervenit, A. C. 1477. Sedes est Archiepiscopatus a Paulo IV. A. C. 1559. fundati: quemadmodum duodecim Canonicorum Collegium A. C. 1000. hîc Norgerus Leodiensis Episcopus fundavit: Senatus item regii, a Carolo Burgund. Duce A. C. 1473. instrituti, locus insuper Curiae Equitum aurei velleris. Capta est ab Alexandro Farnesio Parmensi Duce post Antverpiae expugnationem, A. C. 1585. Ceterum cives ab annuo tributo liberi sunt, ob fidelem operam Carolo Audaci, in obsidione Novesii, praestitam. Vide Guicc. descript. Belg. Iohan. Bapt. Gramaeum, Histor. de Malines. Valer. Andream Biblioth. Belg. Havensium, de erect, nov. Episcop. in Belgio. Thuanum et Grotium in Hist. etc. Item in voce Machlinia.